Şəki Regional Məsləhət Mərkəzi
İkinci Kənd Təsərrüfatının İnkişafı və Kreditləşməsi Layihəsi
“Şəki Regional Məsləhət Mərkəzi” “Kənd Təsərrüfatının İnkişafı və Kreditləşməsi” Layihəsinin İnformasiya və Məsləhət xidməti komponentinin icrası ilə əlaqədar Azərbaycan Respublikası Kənd Təsərrüfatının Formalaşmasına Yardım üzrə Dövlət komissiyasının 3 iyul 2001-ci il tarixli qərarı əsasında Azərbaycan Respublikası Kənd Təsərrüfatı Nazirliyi və Kənd Təsərrüfatında Özəl Bölmənin İnkişafına Yardım Agentliyinin 08avqust 2001-ci il tarixli 166/345 saylı birgə əmri ilə Agentliyin nəzdində dövlət qurumu kimi yaradılmışdır.
2001-ci ilin oktyabr ayından 2002-ci ilin yanvar ayının sonunadək hazırlıq işləri (Özəl Məsləhətçilərin hazırlanması,seçilməsi,onlarla müqavilələrin bağlanması, kənd təlim mərkəzlərinin və informasiya güşələrinin təşkili və sair) başa çatdırılçış və “Şəki Regional Məsləhət Mərkəzi” 2002-ci ilin fevral ayından tam fəaliyyətə başlamışdır. “Şəki Regional Məsləhət Mərkəzi”-nin yaradılmasında məqsəd Respublikanın Şimal-Qərb bölgəsində yerləşən Şəki, Oğuz, Qax, Zaqatala və Balakən rayonlarında yaşayan və Kənd Təsərrüfatı sahəsində Özəl bölmədə çalışan torpaq mülkiyyətçilərinin və aqrar sahibkarların İnformasiya və Məsləhət xidmətinə olan ehtiyaclarının ödənilməsini təmin etməklə aqrar sahədə sahibkarlığın inkişafı üçün əlverişli mühüt yaratmaqdan ibarət olmuşdur.
Fəaliyyət müddətində RMM-in əhatə olunduğu 5 rayonda mövcud 248 kənddə yaşayan 88630 nəfər torpaq mülkiyyətçilərinin 33220 nəfəri 1-2 günlük təlim kurslarında (ehtiyaclarına uyğun mövzular üzrə) iştirak etmiş, 40640 nəfər qrup və 18491 nəfərə fərdi məsləhət xidməti göstərilmiş, 104941 nəfərə bazar qiymətləri çatdırılmış, 21357 nəfər 200-dən artıq adda fermer klublarında video materiala baxmış, 20830 nəfərə informasiya materialları paylanmışdır. RMM-in mütəxəssisləri və ÖM-lər tərəfindən müddət ərzində 164 informasiya materialı və 21 mövzuda video material hazırlayaraq torpaq mülkiyyətçiləri arasında yayımlanmışdır.
Fəaliyyət müddətində RMM digər regionların RMM-ləri və Layihənin komponentləri ilə qarşılıqlı əməkdaşlıq etmiş,bu əlaqə kredit komponenti ilə daha yaxından olmuşdur.
RMM İcraçı Kredit Agentliyinin həyata keçirdiyi “Kreditləşmə” komponenti ilə əlaqədar regionda BB qruplarının yaradılması, Birgə Borcalanlar (BB) qrupları və Kredit İttifaqlarının üzvlərinə biznes planların hazırlanması, potensial müştərilərə təlimlər və fərdi məsləhətlər yolu ilə məsləhətlərin verilməsi və digər texniki yardımlar göstərilmişdir.Fəaliyyət müddətində (2003-2006 illərdə) regionda 510 BB qrup və 5 Kredit İttifaqı yaradılmış, 9082 nəfər BB qrup üzvünə 3257,9 min manat və 574 nəfər Kredit İttifaqı üzvünə 1435,4 min manat kredit verilmişdir.“Kənd Təsərrüfatının İnkişafı və Kreditləşməsi” Layihəsinin birinci mərhələsi üzrə RMM-in fəaliyyəti 2006-cı ilin dekabr ayının sonunda müvəffəqiyyətlə başa çatmışdır.
“İkinci Kənd Təsərrüfatının İnkişafı və Kreditləşməsi” Layihəsi
“İkinci Kənd Təsərrüfatının İnkişafı və Kreditləşməsi” Layihəsi, informasiya və məsləhət xidmətləri yarımkomponentinin regionda həyata keçirilməsinə Qeyri dövlət təşkilatı olan “Şəki Regional Məsləhət Mərkəzi” Məhdud Məsuliyyətli Cəmiyyətlə Azərbaycan Respublikası Kənd Təsərrüfatı Nazirliyi yanında Kənd Təsərrüfatı Kreditləri üzrə Dövlət Agentliyi arasında bağlanmış 08 yanvar 2007- ci il tarixli ADCP-II-SHAKİRAC-07/1 saylı müqavilə əsasında 2007- ci ilin yanvar ayından başlanmışdır. 2009-cu ilin mart ayından ADCP II-SHAKİRAC-09 saylı müqavilə ilə fəaliyyət davam etdirilir.
Şəki RMM MMC keçmiş RMM-in yerləşdiyi binada yerləşir. Keçmiş RMM-in istifadəsində olan mebel avadanlıq və ləvazimatlar Agentlik tərəfindən müqavilə müddətində Şəki RMM MMC-nin istifadəsinə vermişdir.
Şəki RMM MMC-nin işçi heyəti Direktor, Mühasib, Təlim və monitorinq üzrə mütəxəssis, İnformasiya və Əlaqələr üzrə mütəxəssis, İnternet saytı üzrə mütəxəssis, operator və 2 nəfərdən ibarət xidmət edici heyətdən ibarətdir. RMM-in əhatə etdiyi 5 rayonda 17 nəfər Özəl Məsləhətçi fəaliyyət göstərir. Regionda mövcud 248 kənd təlimatın tələblərinə uyğun ÖM –lər arasında bölünmüş onlara təhkim olunmuşdur. Hazırda region üzrə fəaliyyət göstərən ÖM-lər 88388 nəfər torpaq mülkiyyətçisinə informasiya və məsləhət xidməti göstərir
“İkinci Kənd Təsərrüfatının İnkişafı və Kreditləşməsi” Layihəsi üzrə ümumi fəaliyyət dövründə göstərilən xidmətlər.
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Free counters